Central Lairam Lawngtlai L-III ah khuasa Pu T Sangkhuma le Pi Nitlem hna hi an fapa Tv Vanlalduata cu India ramhuap Junior bantha paihnak ah pathumnak a hmuh caah Lawngtlai District Armwrestling Association, Young Lai Association L-III Branch, Lai Wonmen Association L-III Branch hna nih 2024 Pur 17 ah sunglawi ngai in an don.
National Armwrestling Championship 2024 Pur 6-10 Nagpur Maharashtra i tuahmi ah Lawngtlai District in aa zuammi Tv Vanlalduata nih India ram huap Junior ah pathumnak a hmuh caah Lawngtlai District khualuhka ah sunglawi ngai in an don i, Lawngtlai L-III Lai Cultural Center Cum Auditorium ah caan hmang in, Central Young Lai Association, Game and Sports lei hruaitu hna le, Young Lai Association, Lawngtlai L-3 Branch hruaitu hna, Lawngtlai District Armwrestling Association hruaitu hna le Tv Vanlalduata sortu a pa Pu T Sangkhuma hna nih biachimnak an ngeih hnuah Lai Women Association, Lawngtlai L-III Branch, Lawngtlai District Armwrestling Association nih laksawng peknak an ngeih hnuah Tv Vanlalduata nih a lunglawmhnak bia chim in YLA L-3 Branch Ngunkeng thlacamnak in caan hmannak dihter a si.
Tv Vanlalduata hi kum 18 a si ah bantha paih zuamnak ah aa zuammi a si. Kum 22 a si tiang ah bantha paih zuamnak ah voi nga aa zuam i, Gold Medel voi 2, Silver 2 le brown 1, Champion voihnih a laak cang. Champion a ngahnak cu, Lawngtlai District ah voikhat le, Mizoram Novice Championship State Level, hna ah hin an si.
Tutan India ramhuap Junior bantha paihnak ah hin minung thonghnih leng an si.
Leave a Reply