Lai Autonomous District Council (LADC) tang 12-Lawngtlai MDC Constituency ah 2024 Pur 27 by-election ngeih dingmi ah cuh aa timmi mipek caan cu 2024 Pur 18 zaanlei suimilaam 3 ah khar a si cang, cuh ding in min aa pemi minung pathum an um.
LADC tang Lawngtlai Chandmary MDC bial by-election cuh aa timi hna cu 2024 Pur 18 ah eturning Officer, Lawngtlai District Election Officer si chihmi Pu Cheemala Siva Gopal Reddy sinah min an pek. Min pemi hna cu
*Mizo National Front (MNF) candidate Pu C. Lalsawmzuala*
*Bharatiya Janata Party (BJP) candidate Pu K. Lalawmpuia*
*Zoram People’s Movement (ZPM) candidate Pu F. Hrangtukhuma* hna an si.
Lawngtlai Chandmary MDC bial hi a bialtu, Dr Lorrain Lalpeklian Cinzah cu Mizoram state legislative assembly i thimnak 2023 ah Lawngtlai East bial in MLA ah thim a si caah a bial hi a chuahtak, bial lawng a um caah Mizoram State Election Commission nih by-election ngei dingin khua a khan.
MDC by-election cuh tim min pe mi nomination paper hi 2024 Pur 19 zaanlei suimilaam 3 ah Returning Officer hna nih zohfel (scrutiny) kalpi a si lai. Pur 21 zanlei suimilaam 1 tiang i zukphiak khawh caan hon a si lai.
2024 Pur 27 zing suimilaam 7 in zanlei suimilaam 5 tiang vote thlak a si lai. Vote hi Chiapa 1 ah rel a si lai.
All reactions:
2
Leave a Reply