India Ram Ah Zuu An Chuan Mi (Local Zuu) Dinnak In Minung 34 An Thi, Midang 80 Leng Sii-Inn An Phan

India thlanglei hmunram, Tamil Nadu ramkulh ah chuan mi (local zuu) dinnak in minung 34 an thi, tiah ṭuanvo ngeitu hna nih an chim.

Kalakuruchi pengkomh, bootleg zu dawr ah chuan mi (local zuu) dinnak in an taksa ah harsatnak a rak chuak colh, tiah theih a si.

Zuu sivai ruang ah minung 80 tluk sii-inn ah zohkhenh an si i mithi zong a karh kho an si rih, tiah ṭuanvo ngeitu hna nih an chim. Hi kong he pehtlai in ṭuanvo ngeitu hna nih minung 2 an tlaihkhih hna.

Ramkulh chung Palik Officer 1 le group chungtel 10 hna cu phungning lo zuu zuarnak konglam he pehtlai in hremnak an peek hna pin ah rian an dinhter hna, tiah theih chih a si.