Chinland Council le Chin Brotherhood (AA) karah zeitin dah kahdohnak aa thok ?

Chinland Defense Force – Matupi Brigade 2 i Brigade Commander nih a chim mi bia a si.
Chinland Council ralkap bu hna nih Matupi in SAC LIB 140 le Byuha sakhaan laak dingin caan saupi caan kan laak i kan i timtuah.kan tuk lainak dingah a suimilam caan te lawng aa duh cang kan ti ah ruah lo pin Chin Brotherhood (AA) lei ruah lo piin an hung phan.
Chin Brotherhood (AA) lei nih hmaizah nak zei hmanh um loin le a hlankan in zeibantuk thawng thanh cianak zei hmanh um loin kan tuk hnik mi SAC sakhaan le kan mah kar ah an rak i rawlh.
SAC sakhaan kahhram kan thok cangla kan ti bak ah Phanaing khua i kum upa minung 8 an um ti thawng kan theih caah chanhchuah dingin khua kan khaan.kan ralkap pakhat nih motor in a va don hna lio ah CB le AA nih an rak tlaih.
An tlaih ka ah hin SAC nih an tlaih mi ah kan rel.zei ruangah ti ah cun CB le AA nih Paletwa lampi cung um mi IB 304 SAC sakhaan laak dingin le kanmah CC lei nih LIB 140 le Byuha sakhaan laak ding timi lungtlin nak kan rak ngeih caah a si.
Ralkap a si mi poah cu ral kan kah nak ding hmun ah a hlankan in thawng thanhcia um lo in zei bantuk minung an rak rat poah ah kah ding kan rian a si. biakam a let mi minung hna cu CB lei an si i biakam let a hmangmi cu pasal zong an si lo i ralkap ti awk zong an si lo.
Chinland Defense Force – Matupi Brigade 1, lei rian ngeitu nih hi kong he aa pehtlai in a chim mi um cun kan vun thanh ve than te lai.

Be the first to comment

Leave a Reply

Your email address will not be published.


*