Innlo a duah tu ralhrang an kah hna caah an zaam dih

Innlo a duah tu ralhrang an kah hna caah an zaam dih tiah kan theih.
Mandalay ramtthen Mataya peng ah rallam a sial mi inn a duah tu ralhrang hna cu PDF nih an va nam hna caah lo diam an zaam hna tiah PDF nih an langhter.
Mataya peng Pyi Ta Aye khua cu June 18 ni ah Mawtaw 5 he SAC ralkap le Pyu Saw Htee minung 150 hrawng nih an luh hnawh, inn an bauh i thilri an fir, cun inn cu an duah thluahmah hna caah dothlengnnak a tuahtu ralkap fonh hna nih an nam ve kahdohnak a chuak. Caan tlawmpal an i kah hnu ah ralhrang pawl cu hnu ah an pil i lodiam in an zaam tiah PDF nih cun an langhter.
A zaami SAC ralkap le Pyu Saw Htee hna cu PDF nih cun mine bomb an rak puah hnawh tthan hna. Cu kahdohnak ahcun ralhrang a thi le hliamtuar an um nain a zat kan theih kho rih lo tiah an langhter.
Kahdohnak hmun zohhliahnak an va tuah tikah ralhrang nih an zaam tak mi 81mm kuan pakhat, RPG kuan 4, G3 kuan 19, 5.56 kuan 63 le thilri dangdang an lak tiah theih a si. SAC ralkap nih an duah ruangah Pyi Ta Aye khua inn 8 a ciam dih nakkong tualchung mi nih an langhter.

Be the first to comment

Leave a Reply

Your email address will not be published.


*