Matupi kahdohnak ah CC ralkap 4 nunnak liam

AA, Chin Brotherhood, Yaw Arm le Chinland Council ralkap hna karlak kahdohnak ah Chinland Council ralkap 4 nunnak a liam. June 20 ah Chinland Council ralkap hna nih Matupi khuapi SAC ralkap No. 140 camp an nam cuahmah lio ah an hnulei in AA, Chin Brotherhood le Yaw Army nih an rak kah hna caah a ralkap pawl nawl ape tu Chin Miphun ralkap Lt. Col. Salai Lal Bik Thang nunnak a liam i, CDF Senthang ralkap 3 nunnak a liam ve tiah thawnghram pakhat nih a langhter.
Hi kahdohnak hi ralhrang a kap cuahmah tu Chinland Council ralkap hna kha an hnu lei in an luh hnawh hna mi a si caah, zahanzaan tiangah a umnak theih lo mi dang zong an um len tiah thawnghram pakhat nih a langhter ve. Asinain hi kong he pehtlaiin official in langhter mi a um rih lo.
Zahan zaan ah Chin Brotherhood nih an hriamnam ttha bik pakhat Media hmang in thawngpang chimnak an ngei i, mi bawm ding in a kal i an rak tlaih mi pa zong biatawi an chim ter ve i kut an thlak lo nak kong fiang tein a chim.
Chinland Council ralkap nih pehzulh in kahdohnak an tuah caah remdaihnak he cun kan i hlat tuk, cu ti an kah ruangah kan lehrulh ve hna i CNA ralbawi pakhat a thi tiah thawng kan theih tiin Chin Brotherhood biaphung tu CDF-Mindat lutlai Yaw Man nih a chim.

Be the first to comment

Leave a Reply

Your email address will not be published.


*