Yebyu Kahdohnak Ah SAC Ralhrang 30 Leng An Thi I Hliamtuar An Tam

Yebyu Kahdohnak Ah SAC Ralhrang 30 Leng An Thi I Hliamtuar An Tam tiah kan theih.
2024, June 19 ah Tanintharyi ramṭhen, Yebyu peng, Myauk Chaw khua pawng ah SAC le (PDF) ṭangṭi phu hna karlak ah kahdohnak a chuak i ralhrang 30 leng an thi, tiah Dona column chung in ṭuanvo ngeitu pakhat nih a chim.
2024, June 19 zing suimilam 7:00 in zanlei 4:00 tluk tiang kaphnih karlak ah kahdohnak a chuak i SAC ralhrang nih hriamngan voi 40 tluk an kah pin ah cunglei in voi 4 tiang hriamngan an thlak chih caah (PDF) ṭangṭi phu minung 4 nih hliam an tuar, SAC ralhrang 30 leng an thi i midang hliamtuar tampi an um, tiah theih a si.
Atu tiang SAC ralhrang nih Myauk Chaw khua ah cunglei in hriamngan an kah pin ah mei an duah chih i khuasaknak inn 70 tluk a rawk, tiah an langhter.
Kahdohnak ah aa telmi hriamtlai phu hna cu Dona column, Mon ramkulh MSRF le ṭangṭi phufonh dang hna an si.

Be the first to comment

Leave a Reply

Your email address will not be published.


*