Chinland Council A Voi Khatnak Tonpumhnak Tlamtling tein an Tuah Khawh tiah kan theih. Chinland Council a voi khatnak tonpumhnak cu December 4 in 7 tiang Victoria Base ah tlamtling tein kan tuah khawh, tiah Chinland Council nih nihin December 7 ah a thanh.
December 4 in 7 tiang tuah mi Chinland Council a voi khatnak tonpumhnak ah Chin National Front (CNF), Chin Hluttaw Phu, Peng le Tlang Phu le Ramchung/Ramleng in aiawhtu palai 235 an kai kho.December 6 tonpumhanak ah Chinland Council sersiam a sinak fehter a si bang in Chinland Constitution zong tlamtling tein an fehter khawh.
Chinland Council nih a tinh mi cu a tanglei bantuk hin an si:
(a) Mahte tawlrel/lairel khawhnak a ngeimi Chinland sersiam ding,
(b) Ramkhel lei le miphun covo lei ah i tlukruannak a um mi Federal Ramkomh ser ding,
(c) Democracy hruainak ningcang ser ding, ti mi hna hi an si.
Chinland Council nih Chinland Hluttaw, Chinland Cozah le Chinland Supreme Court zong ni 60 chung ah sersiam ding in biachahnak an ngei.
Hi chinland council ah CNDF, PDF-Zoland le CDF-Mindat an I tel kho lo tiah kan theih. Chinland council ah a kai kho mi hna an hmanthlak cu a tanglei ah kan tar than ve.
Handling topics with grace and authority, like a professor, but without the monotone lectures.
I’m officially a fan of The work. It’s like having a crush, but intellectually stimulating.