Raldoh ding in a rak chuak mi kawl ralkap pawl cu an kah hna caah minung 8 an thi

Sagaing ramthen, SarLinGyi khua ah raldoh ding in a rak chuak mi kawl ralkap pawl cu dothlennak phu hna nih an kah hna I kawl ralkap lei in minung 8 an thi tiah Hero Fighter phu in tuanvo neitu sin in kan theih khawh.

January 16 ah Monywa in SarLinGyi khua lei ah raldoh ding in a rak chuak mi kawl ralkap minung 106 cu January 17 zinglei suimilam 7 tluk SarLinGyi khua, nichuah lei Sarhtung khua an rak phak ah dothlennak phu hna nih vawlei tang pphum mi bomb in siseh, hriamhme hriamngan in an kahdoh hna. Vawlei tang phummi bomb in January 17 ni zinglei suimilam 9 in 9:45 kar ah voikhat, zinglei suimilam 10 in 10:15 kar ah voikhat, chun suimilam 12 in 12:15 khar ah voikhat tiin a zapi te voithum an puahhnawh hna tiah kan theih khawh.

Cu kahdohnak voithum chung ah kawl ralkap lei in minung 8 an thi I minung 4 hliamhma an tuar, an I timhmi hmun ah an kal khawh ti lo caah SarLinGyi khua lei ah an kir than tiah kan theih.